Мемлекеттік жалпыға міндетті білім беру стандартының (МЖБМС) жобасы бойынша ақпараттық түсіндіру
«№1 жалпы орта білім беретін мектебі» КММ 2024 жылдың 02 желтоқсан күні Қазақстан Республикасы Оқу-ағарту министрлігінің Ы.Алтынсарин атындағы Ұлттық білім академиясының ұсынымы негізінде «Мемлекеттік жалпыға міндетті білім беру стандартының (МЖМБС)» жобасын ақпараттық-түсіндіру бойынша жиын өтті.
Стандарттың құрылымы, құндылықтары, қолданысы, нормалары туралы талқылау жүргізді. МЖМБС жобасындағы білім мазмұнын құндылықтарға негіздеу, құзыреттілікке бағдарланған білім беру, оқу жүктемесін оңтайландыру, білім алушылардың кәсіптік бағдарлануы, бейіндік оқытуды күшейту, академиялық еркіндік, академиялық адалдық құндылықтарымен таныстырды.
Стандартты қолдануда МЖМБС талаптарын оқу жоспарларын, оқу бағдарламаларын, оқулықтар мен оқу-әдістемелік кешендерін, педагогтердің біліктілігін арттыру курстары бағдарламаларының мазмұнын әзірлеуде, тәрбие жұмысын ұйымдастыруда, мектепішілік бақылауда, педагогтерді аттестаттауда, білім алушыларды қорытынды аттестаттау және білім жетістіктеріне мониторинг жүргізуде басты назарда ұстау туралы мәселелерге тоқталды.
МЖМБС жобасының толықтырулары бойынша тәрбиені күшейту және оның нәтижелерін бағалау: әлеуметтік GPA (орташа балл) енгізілуі,қазақ тілін оқытуды күшейту, бастауыш мектепте қазақ тілін ерте меңгеру бағдарламасы, Алгебра» орнына «Математика» және «Геометрия», «Физика» орнына «Жаратылыстану», «Химия», «Биология» біріктірілген пәндер арқылы стандарттың күтілетін нәтижелеріне қол жеткізу, қаржылық, құқықтық сауаттылық, креативтілік, STEM, STEAM, ерте бейіндеу бойынша пән салаларының мазмұнын нығайту бойынша ақпараттық-түсіндірме жұмыстары жүргізілді.
