"Қысқы спорт түрлерін дамыту: Шаңғы тебу сабақтары арқылы оқушыларды шынықтыру мен тәрбиелеу"
Абай облысы, Аягөз ауданы «№1 жалпы орта білім беретін мектеп» КММ-де үшінші тоқсан бойынша қысқы спорттық ойындар тақырыбында 5-11 сыныптарда шаңғы тебу сабақтары өткізілуде. Сабақтардың мақсаты — қысқы спорт түрлерін дамыту, шаңғымен жүріс түрлерін меңгерту, сондай-ақ оқушыларды ептілікке, шыдамдылыққа, топпен жұмыс жасауға баулу.
Шаңғы тебу арқылы оқушылардың дене шынықтыру дағдыларын жақсарту, денсаулығын нығайту және физикалық төзімділігін арттыру көзделеді. Сабақ барысында оқушылар шаңғы тебудің негізгі қадамдары мен техникалық элементтерін үйреніп, қозғалыс үйлесімділігін дамытуға мүмкіндік алады. Сонымен қатар, табиғат аясында өткізілетін арнайы ашық алаңдардағы сабақтарда оқушылардың командалық рухы мен өзара көмегін дамыту маңызды болып табылады. Бұл оқу үдерісі тек спорттық жетістіктерге жетумен шектелмей, оқушылардың тәрбие жұмысына да әсер етуде, мектеп ұстаздары оқушыларды жауапкершілікке, тәртіпке, шыдамдылыққа үйретуде.
