"Оқушылардың жолда жүру қауіпсіздігі" сынып сағаттары
17 ақпан күні "#1 жалпы орта білім беретін мектебі" КММ де "Оқушылардың жолда жүру қауіпсіздігі" тақырыбында бірыңғай сынып сағаттары өткізілді.
Мақсаты: Оқушыларды жолда жүру ережесімен таныстыру, «Жолда жүру ережесін сақтайық» тақырыбы бойынша бағыт беру. Жол қауіпсіздігін,ережесін есте сақтауға, білуге дағдыландыру. Оқушыларды көшеде дұрыс жүріп, жол ережесін сақтауға тәрбиелеу.
Жол заңы дұрыс жүріп, абай болуды талап етеді. Жол тәртібін бұзба, ол қатер тудырады. Жолдың қалыпты қозғалысы көбінесе балалардың жол бойында қалай болса солай жүріп, доп қуалайтыны, шаңғы тебетіні, жүріп бара жатқан машинаға жабысатыны, қалтарыстан жолға шығып келетін салдарынан бұзылады. Жол тәртібін бұзғандықтан кейбіреулер машина дөңгелегіне ілініп қаза тауып, кейбіреулері жарақат алады. Ал кейбіреулері өмірлік мүгедек болып қалады.Әрбір оқушы мектепте оқылатын «Жолда жүру ережесі» тақырыбындағы сабақты мұқият тыңдап, әр сабақтан қорытынды жасап отыруға міндетті. Үлгілі, тәртіпті оқушы көшеде, жолда жүру ережесін, заңын бұзбайды деп бірыңғай сынып сағаттарында оқушыларға айтылды.
