"Ауған соғысының жаңғырығы" ардагерлермен кездесу
14ақпан күні #1ЖОББМ КММ де ауған соғысы ардагерлерімен кездесу өтті. Кездесу барысында оқушылар ән-билерін,өлеңдерін оқып,көрермендер қызықтырған сұрақтарын қойып,ардагер ағаларына сый-сияпат көрсетті. Ауған соғысының ардагері Оразханов Кенжеғазы Оралұлы қиындығы мен қасіреті мол ауған соғысы кезіндегі жауынгерлік тапсырмаларын қалай орындағандары, әртүрлі ұлттан құралған әскер қатарының мызғымас достығы мен көрсеткен ерліктері туралы, олардың әрқайсы интернационалдық борыштарын қаншалықты адал орындап шыққаны жайлы айтып берді.
Ал 15 ақпан – Кеңес әскерлерінің ауған жерінен шыққан күні ардагерлер үшін тамаша мейрам бола тұра, дәл сол күн осы қасіретті соғыста қаза тапқан интернационал жауынгерлерді еске алу күні де болып табылады. Сондықтан да іс-шараға қатысушылар соғыста қаза тапқан жауынгерлерді бір минут үнсіздікпен еске алдық.
Кездесу нәтижесінде оқушылар ерлік пен батырлық көрсеткен ағаларынан үлгі ала отырып, патриоттық сезімге бөленді.
#мектеп_парламенті #өзін_өзібасқару
