2022 жылдың 7 қазан күні "#1 жалпы орта білім беретін мектебі" КММ де "Әдемі күл, сыпайы жүр, сұлу ойлан" тақырыбында 8-11 сынып қыз балаларына арналған жиналыс өткізілді.

Директордың тәрбие жөніндегі орынбасары Исаева Б.У. қыз тәрбиесі, қыздың өзін-өзі  ұстауы, ата-анамен байланысы, қоғаммен байланысы жөнінде дәріс оқып, оқушылар тарапынан қойылған әр түрлі сұрақтарға жауап берді. Жиналысқа Аягөз аудандық орталық аурухананың мамандары шақыртылып, қазіргі таңдағы өзекті проблемалар көтерілді. Айта кетсек  қыздар гигиенасы, ерте жүктілік алдын алу және салдары туралы түсіндірме жұмысы жүргізіліп, кеңестер берілді.Медицина мамандары оқушылардың көкейінде жүрген өзекті сұрақтарға жасөспірімдер дәрігері: Гульнар Мусаевна психолог: Жадыра Болатбековна нақты жауап берді. Мектеп психологы Бекентурова Б.Ғ., "Еркеназ" қыздар кеңесінің жетекшісі Мұқашева Қ.М. балаларға «Қыз қылығымен көрікті» атты тренинг өткізді. Оқушылар сұрақтар қойып мамандардың кеңестерін тыңдады. Қазіргі ата-аналардың жұмысбасты қоғамында  оқушылар үшін берері мол кездесу өтті деген ойдамын. Алдағы уақытта да мектептің тәрбие бөлімімен келісе отырып, дәстүрлі түрде оқушылар қажеттілігіне қарай мамандар шақырылып, кездесулер жалғасын таппақ.