"Тәуелсіздік құрдастары" атты мектепішілік дебат сайысы

ШҚО ББ Аягөз қаласы білім бөлімінің «№1 жалпы орта білім беретін мектеп» КММ-де ұстаздарға арналған дебат сайысы өтті. Қазақстан Республикасының 30 жылдық мерейтойына орай ұйымдастырылған «Тәуелсіздік  құрдастары»  атты дебаттың қатысушылары осы отыз жыл аралығындағы жеткен жетістігіміз жайлы ойларын ортаға тастады. Осы Дебатта бас жүлде бастауыш пән мұғалімдерінен құралған «Өркениет» командасы алса, Орыс тілі пәні мұғалімдерінің «Еркіндік» командасы бірінші орынды иеленді.  Сонымен қатар, Дене шынықтыру мен Еңбек пәні ұстаздарынан құралған «Оқжетпес» құрама командасы екінші орын және ағылшын пәні мұғалімдерінен құралған «Қазақ елі» командасы үшінші орынға иық тіреді. Мектебіміздегі тарих пәнінің мұғалімі және «Өкениет» Дебат үйірмесінің жетекшісі Смагулова Лязат Кенжегалиевна ұйымдастырған шара өте қызықты әрі сәтті өтті. 
   Жобаның мақсаты - мектебіміздегі дебат қозғалысын жандандыру және дамыту. Сондай-ақ, осы дебаттың арқасында жас мұғалімдер, оқушылар өз пікірлерін айтып, ұстанымын қорғап, ақпаратты талдауға үйренеді. Атап өткен жөн, мектебімізде дебат қозғалысын таныту мақсатында,  ұстаздар мен оқушыларға ойынның форматтары мен ережелері түсіндіріледі.