"Ұлттық мәртебе" күні

ШҚО ББ Аягөз қаласы білім бөлімінің «№1 жалпы орта білім беретін мектеп» КММ де Аудандық білім бөлімінің бастамасымен бастау алған, әр аптаның қасиетті жұмасында "Ұлттық мәртебе" күнін атап өтуді мектеп директоры М.Жақыпбекова бастаған ұжым дәстүрге айналдырмақпыз. Осыған орай 19 қараша күні мектеп дәлізі безендіріліп,мектеп оқушыларынан ұйымдастырылған домбыра оркестрі екі ауысымда да қазақтың қара домбырасының  күмбірлеген үнін әуелетіп мектеп ұстаздары мен оқушыларына шаттық көңіл-күй  силады. Қазақы ою-өрнекпен көмкерілген ұлттық киімдерін киген ұстаздар қауымы мен оқушылар мерекенің сәнін келтірді. Осы күні барлық сабақтарда  ойын элементтерін, сергіту сәттерін ұлттық нақышта өткізсе, сынып жетекшілері үзілісте ұлттық ойындар ойнатып оқушылар серпіліп қалды. Ал қоңырау үніне  таңдап алынған "төкпе күйдің негізін қалаған Құрманғазының күйі "Балбырауын" мен "шертпе күйдің" шебері Тәттімбеттің күйі"Саржайлау" бүкіл мектепте жаңғырып тұрды. Мұндай шара жас ұрпақтың бойына қазақы дәстүр мен мәдениетті сіңіру үшін өте қажет деп есептейміз.