«Математика пәнінің ашық сабақтарында оқушылардың топтық жұмыс барысында көшбасшы бола білудің маңызы»
18.12.2024 ж. күні 6 «А» сыныбында математика пәнінен ашық сабақ өтті. Сабақ барысында Мырзақан Фатима, Төлет Айкөркем үздік топ жетекшілері атанды. Олар әр тапсырманы орындау барысында өз топтарын жақсы ұйымдастырып, уақытты тиімді пайдаланып, нәтижелі жұмыс көрсетті. Оқушылар логикалық есептерді шешуде тапқырлықтарын көрсетіп, топ мүшелеріне көмектесті. Топ жетекшісі математикалық теория мен ережелерді түсіндіруде өз білімін жетік пайдаланып, топтың дұрыс шешімдер қабылдауына басшылық жасады. Топ жетекшілері көшбасшылық қасиеттері, ынтымақтастықта жұмыс істеуі және тиімді байланыс орнату қабілеттері сабақтың жоғары деңгейде өтуіне ықпал етті. Осы сабақ барысында оқушылардың математика пәніне деген қызығушылықтары артты, ал сынып оқушыларынан құралған топ жетекшілері өздерінің көшбасшылық қасиеттерімен үлгі көрсетті.
