«Жаратылыстану пәнінің ашық сабақтарында оқушылардың белсенділігі мен ынтасы»
17.01.2025 ж. күні 6 «А» сыныбында жаратылыстану пәнінен ашық сабақ өтті. Ашық сабақта Жуматаева Сабина, Мырзақан Фатима, Төлет Айкөркем топтық жұмыстарға көшбасшылық қасиеттерімен көзге түсіп, алдыңғы қатардан көрінді. Сабина сабақтың негізгі тақырыбы бойынша өз тобына жетекшілік етіп, материалды түсіндіруде ерекше әдіс-тәсілдер қолданды. Фатима, өз кезегінде, әр тапсырмада шығармашылық көзқарас танытып, топ мүшелерін ынталандырып отырды. Ал Айкөркем команда мүшелерімен тығыз байланыста жұмыс істеп, әрбір тапсырманың нәтижелі болуына ықпал етті. Оқушылардың белсенділігі мен көшбасшылық қасиеттері сабақты жоғары деңгейде өткізуге септігін тигізді. Сабақ соңында барлық оқушылар өз білімдерін тереңдетіп, жаратылыстану ғылымына деген қызығушылықтарын арттырды.
