«Біз - болашақтың жарқын бейнесіміз» тақырыбында аудандық салтанатты жиын өтті.
Абай облысы білім басқармасы, Аягөз аудандық білім бөлімі «№1 жалпы білім беретін мектебі» КММ -де 29 қараша күні дефектологтар күніне орай «Біз - болашақтың жарқын бейнесіміз» тақырыбында аудандық салтанатты жиын өтті. Салтанатты жиынға ауданымыздың барлық мектептерінен дефектолог, логопед мамандары келіп қатысты. Салтанатты жиынды аудандық білім бөлімінің басшысы Н.Т. Азимбаев құттықтау сөзімен бастап, ізгі тілегін білдіріп, аудан дефектологтарын мақтау қағаздарымен марапаттады. Салтанатты жиында ЕББҚ оқушылармен жұмыс жасау барысындағы оқу ісінің меңгерушісі А.Т. Мустафина мен мектеп дефектологы Ж.С. Төкен бірлескен жұмыстарын көрсетті. Сонымен қатар, ЕББҚ оқушылармен мектеп дефектологы «Сөйлем құрастыру» тақырыбында ашық сабақ беріп, өзінің іс - тәжірибесімен бөлісті. Ал мектеп психологтары Д.Д.Қайратбекқызы мен Қ.Ж. Болатбековна келген қатысушыларға мерекелік жақсы көңіл-күй сыйлау мақсатында «Кім жылдам?» тренингі арқылы психологиялық ахуал қалыптастырды. Жиын соңында «Мерекелік лотерея» билеті ойнатылып, «Күн шуақ» әдісімен қорытындыланып, кері байланыс жасалды. Салтанатты жиынға келген мамандар ұйымдастырылған іс шараның өте жоғары деңгейде өткендігін атап өтіп, жақсы іс тәжірибе алмасу болғандығына да баса назар аударып, алғыстарын айтып, келешекке сәттілік тіледі.
